Paşinyan Makronla görüşüb

Ermənistanın baş naziri Nikol Paşinyan Londondakı Blenheym sarayında Fransa prezidenti Emmanuel Makronla görüşüb.

Bu barədə Ermənistan hökumətinin mətbuat xidməti məlumat yayıb.

Həmsöhbətlər Ermənistan və Fransa arasında çoxsahəli əməkdaşlıqla bağlı gündəlikdəki məsələləri müzakirə ediblər.

Eyni zamanda, Ermənistanla Azərbaycan arasında sülh prosesindən bəhs edilib. Regionda sülhün və sabitliyin təmin edilməsinə yönəlmiş səylər vurğulanıb. Həmsöhbətlər Ermənistan və Avropa İttifaqı arasında əməkdaşlığın inkişafı ilə bağlı fikir mübadiləsi aparıblar.